東京迪士尼樂園 開幕三十週年! 幸福歡樂正式啟動!

今日係2013年4月15日，三十年前嘅今日，第一座響美國以外嘅 迪士尼樂園 隆重開幕！就係 東京迪士尼樂園 啦！相信日本嘅Fans們等呢日等咗好耐啦！今日終於都黎到呢個大日子！

以下呢張相片所顯示嘅，就係1983年4月15日 東京迪士尼樂園 園內舉行嘅 開幕典禮；迪士尼朋友 為樂園嘅故事揭開序幕，估唔到，呢個故事已經發展咗三十年，而家仲大受歡迎添！

隨著 東京迪士尼樂園 踏入呢個重要嘅里程碑，三十週年慶典 幸福歡樂年 今日都正式啟動！響呢一整年間，東京迪士尼渡假區 將會滿佈幸福歡樂！活動詳情可以睇返之前嘅介紹文章。

今日早上，東京迪士尼樂園 裡面都有慶祝表演，睇下場面幾虛撼！好多Fans捧場呢！Fans多，迪士尼朋友 都多！淨係呢張相已經見到超過二十位 迪士尼朋友，製作非常認真！

響咁開心嘅一日，一齊聽一首好開心嘅歌啦！幸福歡樂年 活動主題曲：Happiness Is Here！呢首亦係全新日間巡遊嘅背景音樂，充滿歡樂氣氛，好有 東京迪士尼 嘅風格！

     

除咗歡欣嘅旋律之外，我覺得呢首主題曲嘅歌詞都填得好好，好有意義！我最鍾意以下呢幾句：

「Let your heart fly, and we'll go on and on and on! 讓你的心飛到半空，我們一起繼續歡騰！」

「Like a child again, jump and shout and let it all out! 變回小孩子，跳起！呼叫！將歡樂釋放！」

「Life's a celebration that goes on and on and on! 人生就是源源不絕、永不停頓的歡樂慶典！」

呢排我成日留意嗰邊嘅動態，全新巡遊、全新煙火表演先後進行預演，令我好想快啲去現場睇！而一系列主題商品亦已經響上星期率先登場，有好多好靚嘅商品，好想將佢地全部據為己有！哈！稍後，我將會繼續推出 東京迪士尼之旅2013 前篇 嘅相關文章，同大家一齊分享呢份幸福歡樂！