優悠的母親節 - 再遊迪欣湖活動中心

今日係母親節，大家點樣同自己嘅媽媽慶祝呢？今年我就同媽媽黎咗 迪欣湖活動中心 慶祝！我仲特別帶埋穿著 小飛俠服飾 嘅 小Duffy 一齊黎玩添！今次已經係佢第二次黎 迪欣湖！

母親節，有一份小禮物送俾媽媽，係自製嘅卡，由 小Duffy、迷你Duffy 代我獻俾媽媽。

黎 迪欣湖 有咩做呢？今次我係同爸爸媽媽黎呢到野餐！我地響小亭裡面坐低，之後就開餐啦！

雖然今日不時會落一陣雨，但總算雨後天清；一路食野，一路望住周圍綠悠悠嘅景色，都幾舒服！

本身諗住試玩下腳踏船，可惜唔夠時間... 我未試過響 迪欣湖 玩腳踏船，睇下下次有冇機會啦！

再次黎到 迪欣湖，今日都有新發現！上次響到搵到好多植物，原來仲有仙人掌！上次睇唔到...

同場加映：專程入到去 香港迪士尼樂園渡假區，我都有入一入樂園拎時間表，迷離莊園 開幕版！

唔知點解，只係去野餐同埋行咗陣，返到黎已經好攰...  但可以同爸媽去 迪欣湖 玩返日，好開心！下個月就係父親節，相信會更加與別不同，因為我地將會身處於日本！到時又可以點樣慶祝呢？