近期全城都熱烈講緊一件事，所有人都衝去做一件事；就係討論巨型橡皮鴨，再走去同佢影相！上星期五咁啱去開尖沙咀，於是我又湊下熱鬧！嘩，巨鴨只係停泊咗幾日，已經好多人去到搵佢！
先響遠處睇睇，真係好大隻，比起碼頭仲要再高一啲！岸邊滿佈人群，睇黎佢的確係人氣爆燈喎！
慢慢接近巨型橡皮鴨，見到佢有少少皺紋，唔知係唔係因為響海上沖得太耐涼呢？哈哈！
去到岸邊，真係超多人... 不過我都行到去巨鴨嘅正前方，勉強舉起自己部手機影咗幾幅相。
配合角度，為巨鴨與國際金融中心二期影返張合照先！咁先證明到佢有游過黎香港嘛！
除咗海面上嘅巨鴨，岸上嘅廣場都放咗好多橡皮鴨造型塑像，可惜嗰晚落雨，佢地被淋濕哂...
回想起細個嗰陣，都有一隻橡皮鴨陪住我沖涼架！我就湊咗熱鬧啦，你又有冇興趣去湊下熱鬧呢？
沒有留言:
張貼留言