東京迪士尼之旅2013: Duffy與你分享幸福歡樂!

為咗解開心中嘅疑問，特別邀請大家幫我決定應該帶邊隻 Duffy 去日本，而家終於都有決定啦！究竟係邊一隻 Duffy 可以再去日本？呢一刻我暫時都唔會講住，到時出發嗰陣咪知囉，嘿嘿！

再次感謝大家參與今次活動，所有獲採用提議嘅朋友經已收到通知，並且會得到一份小禮物！未被選中的話都唔需要唔開心，我同 Duffy 去完旅行之後，都會將旅程中嘅幸福歡樂分享俾大家！今日終於都訂好機票，確認咗旅程日期；距離出發只係剩返唔夠一個月，真係好期待啊！

---

2013年4月20日

我依然俾一個疑問困擾著... 究竟帶邊一隻 Duffy迪士尼小熊 陪我去 東京迪士尼之旅2013 好呢？其實，我會形容自己有選擇困難，俾我揀的話，可能我揀到下年都揀唔到，咁點算好呢！我想誠意邀請大家幫我做呢個決定！同時亦想趁呢個機會將今次嘅幸福歡樂同大家分享！

我自己好期待今次嘅旅行之外，都好希望讓大家一同感受呢份喜悅，所以就設計咗一個小活動！只要依照步驟，協助我決定帶邊一隻 Duffy 熊仔去旅行，就有機會獲得一份小禮物！詳情如下：

步驟一 Step1：請揀選一隻 Duffy 小熊！

步驟二 Step2：請揀選一套小熊服飾！

步驟三 Step3：請揀選一件小熊佩件！

步驟四 Step4：將你心目中的理想配搭、選擇原因，在這篇文章以 私人留言 提交。

截止日期為2013年5月7日，假如你的提議被採用的話，就可以獲得一份充滿幸福歡樂的小禮物！得獎者會於稍後收到通知，請注意，收取禮物將需要提供郵寄地址，禮物預計將於6月下旬收到。

玩法就係咁簡單！咁樣就會有機會獲得一份與 東京迪士尼渡假區 幸福歡樂年 有關嘅小禮物！究竟呢份小禮物係咩呢？我又要賣下關子啦！不過，要提供地址先收到喎，大家可以諗下係咩架！期待大家所提供嘅建議！亦感謝大家幫忙，等我可以決定帶邊一隻小熊陪我去旅行，哈哈！