回想上年夏天，因為 灰熊山谷 開幕，園方都集中宣傳呢個新園區，所以冇舉辦夏日活動；不過，佢地都有特別安排 米奇水花巡遊 載譽歸來，陪伴我地好開心咁渡過一個涼爽嘅暑假！
但如果俾你揀，你會選擇只係得 米奇水花巡遊，抑或選擇要一個完完整整嘅夏日活動呢？有一個比較有規模嘅活動當然會好啲啦！玩得盡興啲嘛！而今日，我有一個喜訊要講俾大家知！官網顯示，動畫藝術廊 將會於6月7日至12日暫停開放，就係為咗要準備夏季活動！
雖然暫時仲未知道今年夏日活動規模有幾大，但係要改動 動畫藝術廊 咁誇張？即管期待一下啦！睇返前年嘅夏日活動，為咗宣傳新電影響暑假上映，所以園方特別用咗 反斗車王 黎做主題。
內容雖然唔算好吸引，但總算有啲野睇下、玩下，為我地一班 奇妙處處通 會員帶黎少少新鮮感！睇返啲相，見到當年五週年慶典嘅 奇妙仙子城堡，真係好靚！好掛住佢！
2011年暑假，《反斗車王2》上映，並且成為活動主角；黎到2013年，唔知係唔係輪到佢地？響 迪士尼星級款待2013 期間，佢地響園內嘅曝光率經已大增！去到夏天又會唔會延續落去呢？...
沒有留言:
張貼留言