東京迪士尼樂園 星際旅行‧冒險續航 隆重登場!

東京迪士尼樂園 30週年慶典 幸福歡樂年 開始咗都未夠一個月，樂園再有值得高興嘅事發生！經過大約一年嘅粉飾工程，遊樂設施 星際旅行 今日以全新面貌同賓客見面，太空冒險正式續航！

嶄新版本嘅 星際旅行 將會帶領賓客去到七個不同嘅星球探險，旅程變化更加超過50種！每個星球都會獨有嘅特性、背景故事，一定有排都玩唔厭！而家就等我同大家一齊登陸各個星球！

娜布星 Naboo：銀河中一個療養的好地方，到處都是古式建築，還有一些未被發掘的海底古城。

他杜尼星 Tatooine：滿佈沙漠的星球，假如喜歡極速飛行的快感，快來參加這裡的飛行競賽吧！

歌華士卡星 Coruscant：繁榮的大都市，入夜後，可以到市內著名的娛樂區享受派對的歡樂！

賀斯星 Host：神秘的雪地星球，好運的話，可能有機會遇上 賀斯星 特有的罕見生物呢！

哈絲赫星 Kashyyk：踏上 哈絲赫星，在一大片森林之中，你將會看到從未見過的自然景色！

那雲第四星 Yavin IV：擁有源遠流長的文化，聳立著古廟、遺跡，來這裡體驗一個傳奇之旅吧！

雅多衛星 Moon of Endor：在原始村落，靜聽柔和的樂曲，細看旁邊的大樹、蔚藍的天空...

好，去完七個星球，我地返到黎地球啦！配合 星際旅行 重新開幕，樂園當然都有推出主題商品！不過今次嘅商品...  好似有啲退步喎...  唔算係太吸引... 唔通 東京迪士尼 完美商品嘅傳說經已幻滅？

咁又未至於咁誇張嘅，都仲有一啲幾有創意嘅商品！有太空船造型、黑武士造型糖果套裝！ 除此之外，米奇 同埋 米妮 亦都化身成電影《星球大戰》嘅角色，俾你帶佢地返屋企！

50個旅程組合？究竟幾耐先玩得哂？遲啲去到 東京迪士尼樂園 遊玩，我都要去展開 星際旅行！