Tho's Dreams 慶祝 香港迪士尼樂園 開幕八週年!

八年前，2005年9月12日，一個充滿奇妙嘅地方出現於我所居住嘅城市。八年後，2013年9月12日，佢已經為無數賓客帶來好多難忘嘅時刻，亦令不同人們嘅夢想成真；包括屬於我自己嘅夢想亦都響呢到得以達成。轉眼間，時間過咗八年啦...  就讓我地響呢一日，再次記起所有黎自呢個地方嘅回憶，紀念呢個樂園為我地所獻上過嘅所有野...

香港迪士尼樂園 嘅標誌性建築就係 睡公主城堡，相信唔會有人反對。響樂園八週年嘅呢一日，Tho's Dreams 亦都換上新嘅主題介面！我揀咗一張城堡嘅相片放響網誌頂端！

至於背景就係由八幅相片重覆組成嘅，差唔多嘅設計其實響「迎接2013」嘅時候出現過，不過我都想用同樣嘅方法去回想過去八年響樂園發生過嘅事，希望大家唔會覺得悶啦！

尋日，我響 Tho's Dreams 專頁發佈咗八幅相片，分別代表著一啲我覺得係組成樂園嘅重要元素。而家網誌嘅背景圖片，正正就係由嗰八幅相片組成。如果未睇的話，可以響呢到重溫一下。

這個樂園令你愛上了幾多位 迪士尼朋友？

這個樂園獻上了多少令你一試難忘的遊樂設施？

這個樂園讓你尋覓了幾多有趣的小故事？

這個樂園所呈獻的巡遊有曾令你興奮過嗎？

這個樂園推出過幾多使你愛不釋手的商品？

這個樂園為你送上了多少獨特的節慶活動？

這個樂園為你送上過幾多個漂亮的景象？

這個樂園裡你經歷過多少奇妙時刻？

由七週年步向八週年嘅期間，樂園都有好多特別嘅事，例如 迷離莊園 正式開幕，樂園宣佈首次轉虧為盈，亦都有 迪士尼黑色世界2012、迪士尼雪亮聖誕2012 等等令人深刻嘅節慶活動。

我的確感受到樂園好努力地做咗好多野，好想逐漸進步，作為一位Fans，我覺得非常興幸。儘管有時候，未必所有野都會同我地預期一樣，未必所有野都會令到我地滿意；但到頭來，我知道我地依然會對樂園不離不棄，想見到樂園可以有所改進，因為我地每一個都愛呢一個樂園...  最後，只可以講一句：八歲啦！大個仔架啦！繼續長大，要慢慢變得愈黎愈成熟啊！