之前去樂園玩，有好多收穫啊！除左買既紀念品之外，仲拎左好多不同既迪士尼收藏品！今次首先同大家分享既，就係兩位 Duffy家族 既新成員！
2012年1月29日
行運登龍門 - 8個福氣裝飾!
咁多年以黎，都因為時間不合，未試過響農曆新年活動既時候入樂園玩。今年終於有機會，入去感受一下農曆年喜氣洋洋既氣氛！但係，相比起其他節日活動，今次既 迎龍接福 既節目相對係較少... 雖然節目係少D，不過配合上樂園周圍充滿中國傳統特色既擺設，呢個活動依然係一次好好既體驗！迎龍接福 其中一個賣點，就係「行運登龍門」。8個設計精美既 福氣裝飾，各有獨特之處，亦代表不同既中國主題。
1. 米奇 米妮 - 「常歡 笑口常開」
2012年1月28日
2012 追尋夢想之旅!
2012年對我黎講，的確係非常重要既一年。一黎，今年會關乎到我自己既未來，二黎，轉眼間，今年我就會踏入人生的第十八個年頭，變做大人啦！雖然我自己真係唔想咁快大個，要面對種種挑戰同埋困難；不過始終都要面對現實。只好響自己既世界入面維持住純樸既童真。
今年，我會繼續依照本Blog既主題，繼續向著自己既夢想進發！因為我相信「擁有一個夢想並讓它實現，就是生命中一件最美好的事！」
2012年1月26日
一句遲了些少的: 恭喜發財!
唉，真係唔知點解，假期既時間硬係過得特別快... 真係一眨眼，就已經黎到年初四既晚上，快要踏入年初五。之前幾日做左好多野，發生左好多事啊... 星期日入左樂園玩，大年初一就去左拜年，年初二就睇戲，年初三就響屋企溫書，今日年衫四早上就要補習，之後就去左唱K！
龍年黎左咁耐，都未有時間響到同大家講幾句祝賀語添... 在此，同各位講句 恭喜發財、身體健康、大吉大利、心想事成！而我就繼續向著自己既夢想進發！希望各位可以原諒我咁遲先講啦。>_<
2012年1月18日
屬於我的首本相簿即將誕生!
之前提及過曬相出黎整相簿，D貨已經送到黎啦！印出黎D質素都幾好，可惜既係我唔記得預位；搞到我個標誌俾人Cut走左一部份...
我之前就買左相架，放響桌上。咁無時無刻都可以見到一大班 Duffy 啦！哈哈！
我的執房日! 好多野啊!
啲大人成日過年前，都會話年廿八要執屋，迎接新年。今日就只係年廿五，不過我就預先執定間房！其實同新年冇咩關係，只係突然興起都執下D堆放左既野；特別係一堆之前幾次入樂園玩既戰利品，都係亂咁放左響到。今日就將D戰利品放返入 迪士尼專櫃 入面。
2012年1月15日
Duffy 都要開開心心過農曆年!
之前入樂園玩，又買左套新衫俾佢啦！農曆新年就快到啦，今次梗係買返件唐裝俾佢過年啦！今次既 農曆新年套裝，有兩個部份。1. 中國帽子、2. 唐衣連褲 ( 係連住既 )
看見滑浪米奇, 令我想起...
之前講到揀緊相整相簿，我已經揀好哂啦！D相好快就會到手，我要快D去買Duffy相簿放好佢地！響咁多張相入面，其中有一張特別引起我既注意...呢張相，係夜晚時影既，係入口既 滑浪米奇噴泉。配合七彩的燈光，為噴泉更加增添上一份生命力！
不過呢個並唔係重點，而係我見到 滑浪米奇，想起之前夏日活動中既 米奇水花巡遊，上年既夏日活動冇得睇，覺得有D可惜。之前影左既相又唔見左，真係有D懷念...唔知今年既夏日活動，會唔會有得再次睇返呢個咁開心既巡遊呢？
迎接2012 - Winnie the Pooh 月曆!
不經不覺，踏入新的一年都已經兩個禮拜啦！其實，呢篇文章應該係好早之前已經發表，但係成日都唔記得左，哈哈！新的一年，又點少得一個設計精美既月曆呢？2011年，樂園就設計左一個好靚既月曆，所以我就買左返屋企。但係黎到2012年，今年樂園既月曆唔係太特別，所以我就決定響其他地方搵啦...
終於，俾我搵到一個Pooh既月曆，都幾靚！好啦，就買返黎，放響桌上，日日陪住我啦！
2012年1月11日
入夜的 明日世界, 滲透出一種獨一無二的時代感
之前媽媽響網上團購，換了一張相片沖印優惠卷。於是，她就叫我揀相，俾我曬D相出黎留念。呢排，就著手揀下有邊D相係比較突出，可以放入相簿。樂園入面每個園區都會揀一部份既相，而當我揀 明日世界 既相既時候，發現揀左出黎既有好多都係響夜晚時影架喎！再睇仔細D，又真係發覺夜晚既 明日世界，的確滲透出一種獨一無二的時代感。就等我將某D上放上黎同大家分享一下啦！
入口的招牌配合背後 火箭餐廳 時尚既設計，將入夜後既 明日世界 ，變成一個色彩繽紛既國度。
2012年1月7日
2012年1月5日
多年來首次參加 樂園開放典禮!
唔知去過迪士尼樂園既朋友，你地去既時候，係幾點入到去呢？由於由我屋企前往樂園既車程，最快大約都要接近一個鐘，所以咁耐以黎，都唔會太早入去既。之前有一次，因為當日要早走，同埋想趁朝早人少，玩下 反斗奇兵大本營 入面既遊樂設施，特別早少少入去。
響偶然間發現，原來樂園開放之前，係會倒數架！不過我都比較遲左，俾堆積既人群遮住左，咩都睇唔到...於是，我就決定響2號果日，再早少少入去體驗一下。當日，我特別係8點鐘起身，搭車入去樂園。到達既時候，大約係9時40分，個天好似未係好光亮...
2012年1月3日
痛心, 只因失去了...
尋日，可能係我感到最傷感嘅 迪士尼 之旅，因為我失去一樣寶貴嘅東西... 我竟然響樂園內唔見咗我嘅迷你 迪士尼小熊Duffy... 佢原本仍然帶住笑臉，掛咗響我嘅袋上面。或者，係響我無為意嘅時候，綁著 Duffy 嘅小鐵圈鬆脫咗...
2012年1月1日
2012 新一年‧新介面!
今日係2012年1月1日，在此祝所有既人響新既一年過得愉快，繼續朝著自己既夢想進發！新一年，當然要有煥然一新既感覺！所以，網誌既聖誕背景經已被換走，取而代之既就係全新既版畫背景！今次既背景相對比先前較為簡單樸素，標題圖片顯示既，就係經特別效果處理既 奇妙仙子城堡！希望大家會鐘意啦！
訂閱：
文章 (Atom)