曾經有一次，係 迪士尼黑色世界 嘅晚上嚟嘅，當玩緊 太空飛碟 嘅時候，咁啱開始咗 星夢奇緣 煙花表演。響飛碟上，一路轉，頭上一路綻放璀璨奪目嘅煙花，個感覺真係幾浪漫...
尋日又嘗試了一個全新嘅睇煙花體驗，就係響 明日世界 入面睇煙花！本身響燈花開始前半個幾鐘，見到 馳車天地 入口寫住只係需要等10分鐘。最後，我係俾個牌呃咗架，我出返黎嘅時候，煙花已經開始咗。咁就廢時行出去，響 明日世界 入面睇。
畫面嘅主角再唔係熟悉嘅 睡公主城堡，換上了 太空飛碟。的確係別有一番風味，感覺同平時與別不同。以下係我影返嚟嘅相，但係我唔係好識影煙花，有啲矇，唔好意思 >_< 再者，因為煙花係特別為 睡公主城堡 設計，所以好多時都好難捕捉...
臨走之前，我亦不忘影返一張 太空山 與 太空飛碟 嘅合照。
如果你已經睇厭咗 香港迪士尼樂園 嘅煙花，不妨試下，話唔定，你會響 明日世界 入面搵到一份新鮮感！
沒有留言:
張貼留言