蒲公英紛飛的溫泉鄉...

東京迪士尼之旅2012 - 旅程日誌

Day 4  日期：6月10日 (星期日)、地點：白骨溫泉

去完雪山，媽媽想去一個溫泉鄉到睇下，車程唔算遠。坐車時仲見到路邊有馬騮！

最鍾意響好嘅天氣底下見到咁靚嘅景色，仲見到一啲雪山添！

到達之後，一落車就發現呢到有一粒粒嘅蒲公英飄過。加上周圍人唔多，俾人一個好寧靜嘅感覺。去到之後，去咗觀光中心，拎咗份地圖。

嗰到仲有得蓋印留念，寫住地名 白骨溫泉。

呢篇文章嘅第一幅相入面可以見到一間起得幾高嘅餐館；我地就係響嗰到食午餐，我呢次食咗冷麵。

餐館出面仲有一個用黎浸腳嘅溫泉，不過就有啲污濁，好多沈積物。

雖然黎到一個溫泉鄉，但因為前一晚響旅館都有浸到，所以都冇刻意去浸溫泉。媽媽響一間紀念品店買咗些少手信之後就開車走啦。

搭車時真係冇咩野做，一係就訓，一係就睇風景。亦因為咁，我發現日本啲隧道，係好長好暗同好窄；所以每一次入隧道，都有路牌叫你開車頭燈。

又見到靚景，今次啲雲更加組成一個笑哈哈，睇完真係人都開心啲！

繼續坐車去向下一個景點，亦係當晚住宿嘅地方，一條恍如返到去二百年前嘅大街... 下一篇文章繼續分享！