響到訪 東京迪士樂園 同埋 東京迪士海洋 嗰兩日，我分別寄出咗三張明信片，今日終於都收到啦！一張係以坐火箭做主題，睇到哂整個 東京迪士尼樂園。另一張就係以坐 小飛象 做主題，見到樂園入面嘅 幻想樂園。以上兩張都係響 樂園 寄出嘅，至於響 海洋 寄出嘅呢，就係以熱氣球做主題，見到哂兩個主題公園。本身我想搵一張 Duffy 嘅明信片，無奈搵極都搵唔到...
特別掃瞄埋呢三張明信片同大家分享！同時間，我想呻下怨氣... 就係郵局點會將郵戳整上張圖上面架！有冇搞錯！
響明信片嘅背面，除咗地址同埋我寫上嘅字句之外，仲有兩個主題公園特別整上去嘅獨有郵戳，仲附有日期，好靚！
沒有留言:
張貼留言