東京迪士尼之旅2012 - 旅程日誌
Day 6 日期：6月12日 (星期二)、地點：東京迪士尼渡假區
可能因為太興奮，我同 Duffy 佢地一早就起咗身。
去樂園之前，食個簡單早餐先，係牛奶同飯糰。我又俾媽媽呃咗，我本身響便利店想拎一盒我上次飲過嘅牛奶，佢又叫我拎呢一盒，我再三問佢肯唔肯定呢盒係唔係牛奶，佢好肯定咁話係，點知，又係酸奶 =_=
落到去酒店大堂，下面又係有好多有關迪士尼嘅野，先有廣告牌。
有一間專賣兩間樂園嘅商品嘅商店，不過，既然兩間樂園都會去，所以我唔入去睇啦...
商店出面有好大個 米奇。
除咗上面兩塊廣告牌，仲有最新嘅 東京迪士尼樂園 迪士尼復活節奇幻世界 嘅廣告牌。
又有 Duffy 海報！每次見到 Duffy 都會好開心！
有穿梭巴士來往酒店同埋單軌鐵路站，巴士都係經過特別設計架。
其實我地間酒店只係同單軌鐵路站差一條馬路，所以我決定行過去。行嘅時候，影一影個酒店招牌先：東京灣大倉酒店！
去到單軌鐵路站啦！呢到係海濱站。
每個車站內都有 奇妙紀念幣 嘅鑄造機。
我響月台等車時，都不忘影下車站牌。
買咗兩日車票，兩日內可以任坐，仲有紀念車票，係 Duffy 啊！好開心啊！好靚啊！
可能都幾早，只係8:15，所以車上都冇咩人。
見時間幾充裕，又經過昨日去過嘅車站，所以落車整下金幣。
原來車站入面有啲關於單軌鐵路嘅展覽牌，昨晚都發現唔到添！
另外，亦有一幅畫咗整個 東京迪士尼渡假區 嘅畫。
終於都黎到 東京迪士尼樂園站！
響月台上可以隱約見到園內嘅建築物，城堡就最明顯啦，因為夠高嘛。另外右邊亦可以見到 明日世界 嘅 怪獸公司 總部。
車站都係以美式建築風格黎設計架喎！
落到去，可以見到後面嘅 東京迪士尼樂園酒店。
車站門口，有 迪士尼渡假區線 嘅字樣。
離樂園開門仲有半個鐘，但都有唔少已經響到等緊啦。
去到買飛嘅位置啦，等開門就好多人，但係就冇咩人買飛喎。可能大部份都係全年證嘅持有人。
一跳就跳到去夜晚嘅10:00啦！樂園要關門啦！晚上嘅單軌鐵路站，唔知大家見唔見到，中間個鐘上面有一隻 米奇！
搭單軌火車返酒店！
返到去 海濱站，出站時，見到咁啱有穿梭巴士，所以就上咗車。車上嘅扶手都係以 米奇 頭型設計架！
就連冷氣風口都可以見到 米奇 嘅蹤影！
玩咗成日，好累啊！返酒店要好好休息一下，聽日向 東京迪士尼海洋 進發！
沒有留言:
張貼留言