黎到第二個主題公園，東京迪士尼海洋，當然就要拎樂園指南啦！同響 東京迪士尼樂園 一樣，一共拎咗三份，日文、英文、繁體中文版各一份。呢份樂園指南同之前嗰日嗰份嘅封面設計差唔多，只係由紅色轉咗做藍色。
整份樂園指南同樣係對摺後再六摺。其中一面就係樂園地圖。
至於另一面就印有詳細的商店及食肆資訊，搵起上黎都方便好多。
我去嘅時候，反斗奇兵瘋狂遊戲屋 尚未開幕，樂園指南上印有7月9日開幕嘅字樣。
另外亦有樂園時間表 Today，封面主角為 ShellieMay，如果係 Duffy 嘅話就好啦！
日文版採用彩色印刷，其中一面為特別活動 米奇和Duffy的春日巡航 的活動及表演資訊。好多好靚嘅圖案！最重要係，好多 Duffy 啊！
另一面就係表演時間表。之前講過，佢地係每月先更新一次樂園時間表，所以上面有好多資料。
唔識睇日文，就梗係要拎返英文同埋繁體中文版嘅樂園時間表啦。但點都要拎返一份日文版，因為只係得日文版係彩色印刷，靚好多架！
有樂園指南同埋樂園時間表響身，一切經已準備就緒，響 東京迪士尼海洋 入面嘅旅程正式開始！
沒有留言:
張貼留言