去得 香港迪士尼樂園 玩，就知道去樂園一定要帶一樣野，就係水啦！今次去 東京迪士尼樂園，我亦特別拎定一枝水入去，因為驚入面嗰啲會好貴。普遍黎講，主題公園啲消費係特別高，為咗慳返啲錢，我響入面都只係食午餐同晚餐。好彩我近期細食咗咋！雖然只係食咗少少野，但都唔覺太肚餓。
當日真係太興奮啦！玩到唔知時間，轉眼間就去到下午3:00，之後先去食飯。午餐我黎到響 西部樂園 入面嘅 頑熊餐廳 Hungry Bear Restaurant。呢到主要係食咖哩飯嘅，我叫咗個細嘅牛肉咖哩飯。
餐盤上都有特別標記，印有呢間餐廳嘅名稱。
餐廳入面都幾暗，牆上亦掛有不同嘅裝飾，都幾有格調。
咁遲先食午餐，所以晚餐都一併延遲。最後我睇完煙花先食，係晚上嘅8:15。睇完燈花響 明日樂園 附近，咁就廢時行咁遠，去咗 明日樂園 嘅 廣場餐館 Plaza Restaurant。叫咗肉碎蛋飯，附上蝦沙律同埋兩件炸雞粒。飯嘅上面仲有半隻蛋，個蛋黃仲係 米奇 頭型添！
東京迪士尼樂園 啲食物嘅味道都唔錯，不過價錢就... 兩碟飯都係比較細，但係就要大約700日元，亦即港幣$70，唔係太抵... 呢日簡單食少少野就算，但之後嗰日響 東京迪士尼海洋 有爸媽響到，就叫咗好多野食，嘿嘿！
沒有留言:
張貼留言