響香港迪士尼樂園 嘅 美國小鎮大街，商店出面都有一個個好靚嘅櫥窗。當然 東京迪士尼樂園 都有啦！櫥窗更加係配合 迪士尼復活節奇幻世界 黎佈置架！
米奇米妮 佢地戴上兔仔耳朵頭套，拎起畫筆畫復活蛋啊！高飛、奇奇 同埋 帝帝 都一齊幫手！
另一邊就有 米奇 同埋兩紮花。睇真啲，原來唔係花，而係一隻隻 小米奇 啊！
亦有一個櫥窗放咗不同 迪士尼朋友 嘅造型復活蛋。
除咗復活節主題之外，亦有一啲平常啲嘅櫥窗。以下呢個就係用城堡黎做背景嘅。
當中仲有一個 唐老鴨 專屬櫥窗！又係有好多 小唐老鴨！
旁邊仲有一隻巨型 唐老鴨 毛公仔！
啲櫥窗本身嘅原意就係想俾你睇下啲商品，吸引你入去買。但其實，見到佈置得咁靚嘅櫥窗，就算唔買野，只係望下，都會覺得好開心！
沒有留言:
張貼留言