雖然煙花就冇香港咁正，但 東京迪士尼樂園 嘅晚上都仲有另一樣非常吸引嘅表演... 就係香港暫時未有嘅夜光巡遊！佢地嘅夜光巡遊叫做 夢之光 Dreamlights，每晚都會上演。但因為到訪當日落雨，應該係唔想燈飾濕水嘅關係，所以就取消咗... 同復活節巡遊一樣，就算原先嘅夜光巡遊取消咗都會有野睇嘅；不過就唔係出部份嘅花車，而係出一個完全唔同嘅小型夜光巡遊 夜幕彩輝 Nightfall Glow。
第一架花車有三位黎自電影 睡公主 嘅仙女。佢地好似飛起咗咁！
啲服飾都特別設計到會閃爍架！好靚！
之後就到 米奇、米妮、唐老鴨 同埋黛絲。啲衫又係好靚！
佢地四個分別企響車上各處，同大家揮手！
第三架花車就輪到公主們出場啦！
有 貝兒 同埋 灰姑娘，兩位成日都會見到嘅公主響花車上。
仲有最後一位公主，就係來自電影 阿拉丁 嘅 茉莉公主！
呢個小巡遊只係得四架花車，好快就黎到最後一架啦。
呢架花車就有剩餘嘅 米奇家族 成員：高飛、布魯托、奇奇、帝帝。再一次有女松鼠 Clarice 出場，不過我就影唔切。睇黎佢響東京呢到都幾受歡迎喎！
呢個小型夜間巡遊係就係好快就完，但期間播住優美嘅音樂，再配上柔和嘅燈飾，都幾浪漫架！但我始終都好想睇到原本嘅 夢之光 夜間巡遊，因為真係多好多 迪士尼朋友 出場！希望下次有機會再到訪 東京迪士尼樂園 嘅時候，能夠睇到啦！
沒有留言:
張貼留言