這裡, 讓我的夢想成真...

響幾個月之前，我響呢個Blog寫咗一篇關於我嘅夢想嘅文章。其實我有好多夢想，但響呢一刻，我最想實現嘅，就係要成為一位演藝人員。香港迪士尼樂園，聽閒，呢個地方有一種魔力，能夠令不同人嘅夢想得以成真；然而，亦因為呢一個地方，我擁有了一個夢想；終於，我有機會將佢實踐出黎。

但係，夢想成真，唔係一件開心嘅事咩？點解會用一張睇落唔太開心嘅相呢？我用嘅呢張相，係響上年 迪士尼黑色世界2011 活動，黑色馬戲班 嘅門口影嘅。而我，今日就申請了應徵成為 迪士尼黑色世界2012 嘅演藝人員，所以就用呢張相。

黑色世界，係一整年之中，我最喜愛嘅活動，因為覺得佢夠刺激。成為演藝人員，我嘅夢想；黑色世界，我喜愛嘅活動；能夠將兩件事組合起來，真係特別興奮！但事實上，響呢一刻都仲有好多疑問同擔憂，例如係我九月先過18歲嘅問題...  不過無論如何，我都相信憑住自己嘅信心同能力，係可以真真正正實現我呢個夢想嘅！

希望到時可以穿上制服，響樂園入面見大家啦！如果你見到一個名牌上寫住 Thomas，感覺上又好似係我嘅物體，記得過黎同我打聲招呼啊！又或者過黎問我拎貼紙都得！我會好開心架！( 車~ 都未成事，就講到好似真係得咁~ >_< )