夢幻樂園 Fantasyland，將不同嘅童話故事化為現實！響呢篇文章入面，就等我同大家一齊走進 東京迪士尼樂園 入面嘅童話世界啦！
第一個童話故事，係屬於我鍾意嘅 小飛俠 嘅，響 小飛俠天空之旅 Peter Pan's Flight 呢個遊樂設施入面，佢將會帶我地飛越夢幻島！
雖然等待區好細，但係都佈置得好好，配合返主題。
去到月台，可以見一架架嘅飛行船，好得意啊！
亦可以見到一啲 小飛俠 故事入面出現過嘅物件。
上咗船啦！Here we go！就等我地入去 溫蒂 間睡房，開展我地嘅天空之旅！
第二個童話故事，除咗有屬於自己嘅遊樂設施之外，連周邊範圍都以佢做主題！呢個故事就係 木偶奇遇記 啦！遊樂設施嘅門口上面有啲木偶朋友響到喎！
呢個遊樂設施叫做 小木偶奇遇記 Pinocchio's Daring Journey。等待區都係好細。
好快又去到月台，旁邊仲有一啲展現故事情節嘅牆畫。
架車都算係細架，一開始會穿梭小鎮之中。
咁周邊範圍究竟有啲咩呢？先有一啲 迪士尼朋友 嘅雕塑。
再一次可以見到一啲展現故事情節嘅牆畫。
就連洗手間都係以 木偶奇遇記 做主題架！
繼續穿梭童話故事世界，下一個故事係 白雪公主。呢個遊樂設施係講述 白雪公主冒險旅程 Snow White's Adventures 嘅。
入口有警告牌，擔心小朋友會俾喬裝後嘅 皇后 嚇親。
個月台整到好似響森林入面咁。而啲車就同 小木偶奇遇記 嗰啲差唔多。
響出面都可以見到一啲特別嘅佈置。響開始嗰邊就有一個井。
結尾嗰邊就係 七個小矮人 工作嘅嗰個礦井。玩完之後，我就覺得入面嘅故事並唔係以 白雪公主 做主角，而係講 皇后 Hag 點樣不斷諗辦法害 白雪公主。同埋，個故事好似早咗完結，講到 皇后 跌咗落山就完，冇講 白雪公主 醒返。
除咗室內遊樂設施之外，當然唔少得 小飛象、旋轉木馬，同埋茶杯呢啲戶外遊樂設施。呢邊好簡單地只係叫個遊樂設施做 小飛象，英文就都係 Dumbo The Flying Elephant。
木馬就叫做 城堡旋轉木馬 Castle Carrousel。
至於茶杯就叫做 愛麗斯的午茶派對 Alice's Tea Party。( 普遍應該譯做 愛麗絲，但係 東京迪士尼樂園 就用咗 斯。)
佢地茶杯個屋頂同香港嗰個都幾相似。
愛麗絲夢遊仙境 呢個故事除咗有遊樂設施之外，響到仲有一間主題餐廳！餐廳嘅外型參照咗 紅心皇后 嘅皇宮黎設計架！
仲有一啲響故事入面出現嘅 迪士尼朋友 雕像，包括 白兔先生 同埋 瘋帽子。
呢到亦可以見到 撲克士兵 嘅蹤影！
可能因為多咗啲有關童話故事嘅中型室內設施，所以感覺上呢到比香港嘅 幻想世界 更似一個童話世界，更配合主題。唔知 香港迪士尼樂園 之後會唔會加返啲有童話故事色彩嘅遊樂設施呢...？
沒有留言:
張貼留言