好啦，漫長嘅暑假，除咗有時去下樂園玩、出下街、去游下水之外，仲有咩好做呢？正常都係呆響屋企對住個電腦啦... 如果唔計寫Blog，咁對住部電腦又可以做啲咩？當然係打機啦！之前都分享過一系列我鍾意玩嘅電腦遊戲，今次再同大家分享另一個。呢個遊戲叫做 Cities In Motion 流動的大都市，我嘅任務就係要幫不同嘅城市設計運輸網絡。
但今次我想同大家分享呢個遊戲嘅主要原因，係我響入面見到一架似曾相識嘅單軌列車！我昨日先響網上下載咗一個新的遊戲延伸套裝，其中一樣新加嘅就係可以興建單軌鐵路系統。當我興建完一條路線之後，就去買列車啦，點知俾我發現以下呢一種列車！
咦！真係好熟面口喎！如果您有睇開我東京之旅個旅程分享的話，可能會記得我之前講過呢種車。就係響 東京迪士尼渡假區 入面嘅單軌鐵路系統，迪士尼渡假區線 啊！之後上網睇資料，原來遊戲入面嗰架列車的確係依照 迪士尼渡假區線 列車黎設計，唔怪得咁似啦！能夠響玩電腦遊戲嘅同時見到一架熟悉嘅列車出現，真係特別有親切感！
最後，送多一張相俾大家。身為香港人嘅您，應該可以認得出以下呢個列車嘅！哈哈！
沒有留言:
張貼留言