講完 美人魚礁湖 嘅室內設施,返返出去戶外先;戶外有兩個比較大型嘅遊樂設施。一個叫做 史卡托的寄居蟹 Scuttle's Scooters,去上網睇過呢個遊樂設施,俾我嘅感覺係好似 轉轉彈弓狗,不過我當日唔記得行過去睇,失策!
至於另一個遊樂設施,小胖的飛魚雲霄飛車 Flouners's Flying Fish Coaster,係一個小型過山車之前分享過 東京迪士尼樂園 嗰個小型過山車,其實係同一類型,都係唔係太刺激,適合小朋友玩 ( 但其實都好多大人玩 XD ),唔同嘅就只係呢個就用作魚做主題。
咦,呢支燈咁熟口面嘅!香港迪士尼樂園 都有一種差唔多樣嘅燈喎!我之前都有響 樂園事物仔細尋 系列中講過呢種好似花朵咁嘅燈架!:)
同 東京迪士尼樂園 嗰邊嗰個都好相似,個過山車都係響一個小湖泊上面。
叫得做飛魚雲霄飛車,架過山車當然就係飛魚造型啦,好可愛啊!
整體黎講,整個 美人魚礁湖 園區都係特別為小朋友而設,入面嘅都係一啲唔太刺激嘅遊樂設施。不過我覺得最得意嘅,就係估唔到佢個室內區域都幾大,都有好多野玩。雖然唔想成日提起,但成日諗起時間限制嘅問題就覺得好唔抵,下次一定要玩足全日玩哂佢!
沒有留言:
張貼留言