為巨大Duffy添新裝! Duffy身上的Duffy?!

好啦，繼續分享 東京迪士尼海洋 嘅商品啦！今次嘅係一件小T恤！呢件T恤都係以 米奇和Duffy的春日巡航 主題黎設計嘅；一邊有 米奇 頭，另一邊就有 Duffy 頭。

嘩！佢地兩個個頭好大個啊！當然亦都係好得意啦！兩個都係戴著住一頂春日帽架！呢件T恤嘅旁邊仲有一個同 春日裝Duffy 一樣嘅招牌架！

至於背面，最上嘅位置就有 米奇和Duffy的春日巡航 活動標誌，仲有一啲國旗。

問題黎啦...  呢件衫，尺寸竟然係140！我冇理由著咁細件衫掛！咁你又估唔估到呢件衫有咩用呢？

哈哈！其實呢件小T恤係特別買俾 巨大Duffy 著架！我已經突登買細啲，但都係大咗少少。

Duffy 身上又有另一隻 Duffy，好有趣嘅情境！仲要兩隻都係咁可愛！

一直以黎，巨大Duffy 都係著我嗰啲T恤，今次終於都有一件專係屬於佢自己嘅T恤啦！除咗T恤之外，有時到咗一啲特別嘅節日，好似萬聖節同埋聖誕節咁，都會為佢戴上一啲小飾物。但佢始終都係太大隻啦，要幫佢設計一個特別嘅造型都唔係咁容易！呢件衫應該有排都唔洗換...