屬於我嘅第二對 Duffy 同埋 ShellieMay 毛公仔，係一對電話繩黎嘅。其實，我原本都係冇諗住買呢一對電話繩，響 東京迪士尼海洋 當日都冇買到；但之後返到黎香港，見到媽媽買咗呢一對，覺得細細粒都幾得意，所以就哀求佢俾我！XD 最後我當然成功據為己有，但就要俾返錢佢；所以正確啲黎講應該係向佢「買」返黎。
呢一對電話繩毛公仔係中國製造嘅，我覺得質素就好似比起越南製造較為參差... 平時我好唔鍾意人地話 Duffy 似馬騮，但今次我自己都忍唔住，呢一隻真係整得好似馬騮！=_=
我想要佢地嘅另一原因，係因為之前嗰隻毛公仔響著住春日裝嘅，我想要一隻原裝嘅 ShellieMay。呢一隻原裝 ShellieMay 有一個細小嘅蝴蝶結頭飾戴住響頭上面，都幾靚架！
咁您又覺得呢隻原裝 ShellieMay 可愛啲丫，定係之前嘅春日裝 ShellieMay 得意啲呢？
沒有留言:
張貼留言