記載著 Duffy 故事的明信片套裝

好啦好啦，我終於執完房啦！放心，我應承大家，呢幾日補返數，出多啲文章！首先繼續分享 東京迪士尼海洋 嘅商品，當然都係以 Duffy 為題架啦！今次係明信片套裝！其實佢有兩款，一款係只係得 Duffy，另一款就有埋 ShellieMay 嘅，我就揀咗 Duffy 版。

呢個原本用黎裝住啲明信片嘅盒仔，可以拉開後面啲紙板，變成一個相架。

而呢一套明信片套裝入面總共就有八張不同嘅明信片，講述咗一個屬於 Duffy 嘅故事。不過呢個故事就唔係 Duffy 點解會出現嘅嗰個故事，而另一個全新嘅故事。

我特別Scan咗啲明信片，同大家分享一下呢個關於「Duffy Brings Love」將愛傳來嘅故事。原本嘅包裝上係有逐張逐張用英文介紹嘅，我將佢翻譯返做中文啦！

1 ----- 米妮 正在為情人節準備朱古力，而 Duffy 就盡佢最大嘅能力幫忙。 ( 幫忙偷食? XD )

2 ----- Duffy：「呢封信係 米妮 俾你架！」米奇 笑著回應：「唔該哂你啊，Duffy！」

3 ----- 多得 Duffy 嘅幫忙，米奇 同埋 米妮 一齊渡過咗一個好開心嘅時光。

4 ----- Duffy 亦希望所有人都可以渡過一個開心嘅時光，佢好興奮咁歡迎大家。

5 ----- 之後，就輪到 米奇 為白色情人節準備朱古力，Duffy 亦盡佢最大嘅能力幫忙。

6 ----- Duffy：「呢封信係 米奇 俾你架！」米妮 笑著回應：「唔該哂你啊，Duffy！」

7 ----- 多得 Duffy 嘅幫忙，米奇 同埋 米妮 一齊渡過咗一個好開心嘅白色情人節。 

8 ----- Duffy 亦希望所有人都可以渡過一個開心嘅白色情人節，佢好興奮咁歡迎大家。 

呢個就係一個關於 Duffy 將愛意傳來嘅故事，唔知大家覺得呢個故事點呢？不過就算個故事唔能夠吸引到你，相信你都會俾啲咁靚嘅畫吸引到；畫中嘅場景更加係黎自現實中 東京迪士尼海洋 內嘅 Cape Cod 區域架，所以好有親切感！遲啲會再講多啲呢個區域，如果想知道更多的話，就記得留意啦！:)