東京晴空塔 NanoBlock - 第二回

事隔個半月，我個Tokyo Skytree NanoBlock終於都重新投入工程啦！上次係不斷砌不斷散開... 經過上次嘅不快經歷，我已經有咗心理陰影...  而我今日終於都有返心機砌下佢，至於進度如何呢？我都有影低佢俾大家睇！ 

為咗避免上次嘅恐怖經歷會歷史重演，我今次係有備而戰架！就係用BlueTape整實佢地！

好！正式開始今次嘅工程！時間係下午1:35。

半個鐘後... 只得部份底座完成... 因為每粒積木都要用BlueTape整實，所以要多啲時間係正常嘅。

再過多半個鐘，可能因為開始上手，所以進度快咗，整個底座經已完成！

好啦！呢一刻係非常危險嘅，上次就係放個底座落塊板嘅時候不斷散返開...

又過多半個鐘，總共砌咗個半鐘，好似有多少少進展，但其實都係好慢。

今次又砌咗個半鐘，雖然未到上次散開之前嘅高度，不過起碼今次冇倒塌先！砌野真係唔能夠砌得太耐，因為太花心機，會好累；今次就砌到呢到先，下次繼續！