齊來加入 迪士尼黑色世界2012 的黑暗詭魅派對!

今晚就係 迪士尼黑色世界2012 首晚試玩夜，唔知大家準備好，一同加入今年嘅萬聖節派對未呢？每年嘅 迪士尼黑色世界，我都會適心打扮一番，好讓自己可以盡情投入詭魅世界！

今年其實同上年差唔多，廢時重新又買過啲飾物；不過我都有買到兩件新飾物！件斗蓬係上年買嘅，我見到今年啲斗蓬嘅款式都幾靚，但真係唔想買多件，所以用返呢件就好了。至於件T恤就係前日先買嘅，見佢幾得意幾靚，所以就買咗返黎，到時仲可以去玩魔鏡添！南瓜王阿積 頸飾都係新買嘅；用黎做頸飾之餘，仲可以用黎紮頭髮，所以女孩子都可以買黎戴架！

最後呢件飾物係歷史最悠久嘅，前年2010年嘅時候買，都係一件 南瓜王阿積 頸飾黎嘅。前兩年我就真係用黎做頸飾嘅，但既然今年有一件新嘅頸飾，今年就用黎做手帶啦！

我已經準備好今晚去挑戰 迪士尼黑色世界2012 啦！不過我晚上7:30先落堂，趕過去都可能9:00啦...  今晚應該冇機會睇我最愛嘅 夜光鬼魅巡遊 啦...   但係唔緊要，總有機會嘅，下次再睇囉！

唔知大家今晚會 唔會去試玩夜呢？你地又準備咗啲咩飾物去打扮自己呢？今晚一於盡情玩返晚！