其實呢，我就唔會太留意世界各地 迪士尼主題公園 嘅生日，因為有咁多個，真係記唔哂！我當然就記得 香港迪士尼樂園 嘅生日，而同時亦記得 東京迪士尼海洋 係今日生日！原因係，我剛剛去完，會留意多啲；不過最重要嘅係，我自己生日完就到佢生日！
2001年9月4日，東京迪士尼海洋 正式開幕，今日已經係佢嘅11歲生日，恭喜恭喜！今年，佢地嘅週年圖片，背景就用作響7月全新開幕嘅 反斗奇兵瘋狂遊戲屋 做主題。
每一個 迪士主題公園，每5年都會舉行一次大型慶祝活動，香港上年就有 飛躍奇妙；而上年 東京迪士尼海洋 就有 Be Magical! 活動，正門嗰個 魔法師米奇 就係其中一個佈置。
順便講埋旁邊嘅 東京迪士尼樂園，睇返資料，原來係4月15日生日嘅，今年29歲啦！可能因為生日同復活節好相近，所以週年背景都用作復活節風格，有好多復活蛋。
最後送上呢張圖片，相對於以上三張圖，大家覺唔覺得好似有好大對比咁呢？哈哈！
沒有留言:
張貼留言