唔知大家仲記唔記得，由上個月開始，呢個Blog響每個月嘅月頭會有咩事發生呢？冇錯，就係會選出焦點 迪士尼朋友 啦！同時，更加會為大家送上月曆電腦桌布！黎到十月份，最注目嘅係咩呢？相信大家一定會同意，就係萬聖節同埋 迪士尼黑色世界 啦！所以今個月亦特別選出與萬聖節有關嘅兩位 迪士尼朋友，南瓜王阿積 Jack、幽靈狗零零 Zero！
同樣有16:9版本以及4:3版本，只要Click一Click張圖，就可以放大張圖，設定為電腦桌布！
今個月嘅 香港迪士尼樂園 版本，除咗顯示 奇妙處處通 適用日子外，亦顯示咗黑色世界活動日子。
其實昨日已經整好咗，上傳咗上黎，不過就冇時間寫文章咁解... 所以今日先正式發佈。今個月比起上個難整咗啲，因為 怪誕城之夜 係一套1993年上映嘅電影，比較難先搵到清晰嘅圖。所以今次幅月曆電腦桌布未必咁清晰，有少少朦，希望大家可以諒解啦！>_<
上個月就好快有網友估到今個月會有 Jack 做焦點 迪士尼朋友，大家又估唔估到下個月有邊個呢？又俾下提示啦！11月都有好多值得紀念嘅日子，不過我揀咗一個都算係記憶猶新嘅，嘿嘿！
沒有留言:
張貼留言