Disney Dark Collection 南瓜王阿積T恤!

無論響 香港迪士尼Facebook專頁，又或者響網友嘅Blog到，都見到有新T恤系列嘅消息！今次更加係 DisneyDarkCollection，以 迪士尼黑色世界2012 主題黎設計，都幾吸引！見到啲款都唔錯，所以我又去咗Girodano睇下...  但係，睇完之後，我又點會忍到手唔買丫...





咁呢件南瓜王阿積T恤又設計得唔錯嘅！仲有夜光！不過返到屋企先知，原來得Jack會夜光。=_=





T恤上掛有 迪士尼黑色世界2012 嘅招牌。其實我想買多件殭屍黨T恤架，但係得女裝... :(





既然都決定咗買，所以我好直接咁拎去俾錢，冇睇個價錢；到俾錢時先知，原來呢件衫都唔平！仲貴過樂園入面賣嗰啲，我有少少驚訝，因為樂園啲野正常黎講已經係特別貴...  不過都唔緊要啦，既然有心頭好，就唔好太介懷個價錢啦...  之後，又估唔到會有特別驚喜喎！嗰位售貨員拎出一個紙袋，裝起件衫；我見到個袋，覺得好靚好得意啊！





袋上掛住嗰對 米奇 手套，係硬紙板黎嘅，可以拆落黎。我當然拆佢地出黎留為紀念啦，哈哈！





我真係好鍾意件T恤，有 南瓜王阿積 之餘，真係覺得設計得幾靚。好啦！就等我今日著出街先！