迪士尼雪亮聖誕2012 - 聖誕主題徽章

上星期四趁 雪亮聖誕2012 剛剛開始，買咗兩個聖誕節嘅主題徽章，亦買咗一個樂園標誌徽章。由八月開始儲，之後不時都會買幾個；去到而家，估唔到話咁快我就已經擁有二十幾個徽章啦！

嗰日行下商店，突然留意到有幾款我之前冇見過嘅樂園標誌徽章！應該係之前賣哂，啱啱先返貨。作為 香港迪士尼樂園 粉絲而又開始咗儲 迪士尼徽章，又點可以錯過呢？於是我就買咗其中一款。

樂園亦推出咗好多以 迪士尼雪亮聖誕2012 為主題嘅 迪士尼徽章，好多都好靚，設計得好精美。

不過我唔可以買咁多個，要忍住手，唔可以用咁多錢！( 就算而家終於有工開都係咁話... ) 我最後只係買咗兩個聖誕徽章；其實我每套主題徽章通常最多都只會買三個，要抵抗誘惑嘛！

兩個徽章入面我比較喜歡呢個，徽章上有五位 米奇家族 迪士尼朋友，但最重要嘅係有 Duffy！

Duffy迪士尼小熊 另外仲有一個3D效果嘅徽章，不過我就唔太鍾意佢個3D效果，所以就冇買到。有興趣嘅朋友都可以入樂園睇下，但我星期二嗰陣見到唔係剩返好多，想買就可能要快手啲啦...