其實園方除咗為 奇妙處處通 會員提供多項園內專享優惠之外，近期都好積極爭取更多園外優惠；之前響 奇妙處處通 會員專頁入面見到，園方又為我地一班會員提供一個新嘅優惠，真係太好啦！由11月13日至12月15日，會員去到指定商鋪購買 勇敢傳說之幻險森林 DVD或BlueRay一隻嘅話，即時會有$10及$20優惠，而同時仲可以獲得贈品，勇敢傳說之幻險森林 2013年曆簿一本！
雖然我之前響戲院睇完後就話呢套電影比起其他 Pixar 製作嘅電影冇咁好睇，個劇情唔係太吸引；不過我響推廣期第一日就已經好心急咁都買咗返黎，因為我真係好鍾意嗰三位搞搞陣震嘅小王子！嗰本年曆簿嘅封面就係 梅莉達公主，而封底正正就係佢嘅三位弟弟！佢地真係好得意！
入面有啲好精彩嘅劇照，每一頁亦都會有電影中嘅角色出現，每次見到三位王子我就會好開心！
另外，購買DVD嘅話，包裝盒內亦附送 勇敢傳說之幻險森林 電腦遊戲光碟一隻，唔知好唔好玩呢？
只係需要一個價錢，就可以擁有哂電影影碟、年曆簿、遊戲光碟三樣野，都幾抵丫！唔知其他 奇妙處處通 會員又有冇興趣呢？有興趣嘅話都可以去返會員專頁留意詳情。^_^
沒有留言:
張貼留言