迪士尼雪亮聖誕2012 網上活動 -「映像。微故事」

樂園方面昨日響網上開始咗一個活動，名為「映像。微故事」，鼓勵大家用相片創作一個小故事。我自己其實唔係咁鍾意太短嘅故事，因為會規限故事嘅創作，我創作嘅故事通常都會有一定長度。不過，既然樂園主動推出呢種類型嘅活動，我都會參加以表支持嘅；昨晚我已經遞交咗作品啦！

各位睇開Tho'sDream嘅網友，應該都會認得到以上四張相片都係響之前嘅文章入面出現過嘅！唔知大家會唔會覺得右下角嗰張相片好似有啲古怪，同上次嗰張明明係同一張，但係又有啲唔同；拆解謎底：上次嗰張係原圖，不過今次參加活動，為咗提升美感所以加過工，唔好踢爆我喎！>_<

如果各位都想參加今次活動的話，由即日起至12月23日可以去樂園官方Facebook專頁遞交作品。活動完結時有最多票數嘅100份作品 或 每週首50份作品 或 首300份奇妙處處通會員作品 可獲獎！但係假如你對呢類創作活動冇咩興趣的話，都可以欣賞一下其他作品，投下你神聖嘅一票！

最後請容許我賣個廣告！各位親愛嘅Tho'sDreams讀者，唔知咁多位覺得我今次嘅作品如何呢？如果你覺得我嘅作品都唔錯的話，誠邀你響活動中投我一票，以作鼓勵！多謝各位幫忙！哈哈！