2013一月份焦點迪士尼朋友 - 無敵破壞王

唔好意思，今個月遲咗出 迪士尼朋友 月曆；我之前竟然完全唔記得咗呢件事，係尋日先醒返起...  今個月嘅 焦點迪士尼朋友 就係 無敵破壞王！而背景就係佢成日都要走上去搞破壞嘅大廈！今次揀咗佢做焦點，係想趁電影未落畫前賣多次廣告，因為真係呢套電影真係一齣好好嘅作品！

黎到2013年，迪士尼朋友 月曆亦都換上新裝，作出咗少少改動，唔知你睇唔睇得出改過啲咩呢？同以往嘅月曆桌布一樣，分別有16:9以及4:3兩個大小，並有普通版本以及 香港迪士尼樂園 版本！

今年二月先係農曆新年，樂園響一月份都冇咩特別，所以今次只係加咗 奇妙處處通 不適用日子。順帶一提，黎緊呢個星期六同埋星期日係銀卡特選週末，持有銀卡嘅會員可以考慮一下入園玩！

我而家已經煩惱緊下個月應該搵邊位 迪士尼朋友 做焦點...  唔知大家會唔會有咩好提議呢？:)