Tho's Dreams 迎接2013!

2013年來臨啦！祝大家新年快樂！Tho's Dreams 已經即時換上全新標題圖片以及背景圖片！作為 迪士尼Fans，今年最期待嘅當然就係 迷離莊園 開幕！今次亦特別揀咗 迷離莊園 做主題。圖中黑暗嘅 迷離大宅，象徵著我地靜候佢揭開神秘嘅面紗！真係好期待可以入去探索嘅一刻！





使用手機瀏覽嘅網友應該睇唔到背景圖片嘅全貌，同上次一樣，我影咗一幅全貌圖俾大家睇；呢幅背景圖片都係有寓意嘅，圖中總共有十二款小相片，分別代表2012年每個月所發生過嘅事。





2012年寫咗一整年Blog，今日正式將每篇文章嘅內容封存，全年寫咗接近400篇文章呢！本身昨日想出一篇回顧2012年嘅文章，但真係唔夠時間，惟有遲幾日先補出返啦！





踏入2013年，朋友之前幫我響 東京迪士尼海洋 買嘅 Duffy 2013月曆 終於可以發揮佢嘅作用啦！





雖然唔知2013年會發生咩事，但係最緊要就係要活得充實！希望大家都會有難忘嘅一年啦！:)