之後呢段日子都暫時冇得近距離睇清楚 迷離大宅... 不過唔緊要，響 灰熊山谷 呢邊其實都幾近。
至於響 反斗奇兵大本營 呢邊，半年前嘅呢個情景再次出現；咦，大門關上後即刻有吊臂工作喎！
以下相片係半年前影嘅，相比半年前，而家已經多咗好多樹，基本上響呢邊已經睇唔到 迷離大宅。
迷離莊園 小路正式封閉，呢段期間都唔可以好方便咁經小路來往 灰熊山谷 以及 反斗奇兵大本營。為咗提醒賓客，園方分別響兩個園區嘅入口標誌上作出更新；期待未來可以再次見到三個招牌！
同時間，樂園指南都即時作出更新，今期封面主角係 鋼牙奇奇，應該會用到去農曆新年之前。
迷離莊園 已經變成一大片樹林！相比起之前只係用 米奇金色徽章 遮住，咁樣的確係清淅好多。
迷離大宅 嘅主人 ─ 亨利爵士，好快就要新居入伙啦！就等我地繼續靜候 迷離莊園 揭開面紗！同場加映：上次咁啱俾我影到 米奇、米妮 響正門入口進行樂園開放儀式後離開嘅一刻！好得意！
沒有留言:
張貼留言