擁有一隻屬於自己嘅 情人節Duffy 之後，又等我仔細睇清楚佢身上嘅服飾、配件有咩特別啦！
每隻 Duffy 都一定會有一個 迪士尼小熊 招牌，但今次招牌背後卻由 Disney Parks 改為 Disney。
當然亦唔少得 Duffy迪士尼小熊 故事冊啦！我都會幫呢隻 情人節Duffy 好好收藏佢本故事冊！由上年嘅 南瓜Duffy 開始，所有 小Duffy 嘅故事冊都唔會附有膠套，都唔明點解咁都要慳... =_=
先前都講到今次嘅服飾採用英倫風格，上衣以及帽子都以紅色為主，上面更加佈滿心心形狀。
情人節Duffy 手上拎住一支玫瑰花，好浪漫！可以見到玫瑰花有一層層嘅花瓣，都整得幾精緻架！
我覺得今次最特別嘅，就係上衣嘅正面印有「Be Mine」嘅字樣，意思即係「讓我擁有你吧！」
呢隻 情人節Duffy 身上嘅「Be Mine」字樣，原意係俾男孩子將呢隻 迪士尼小熊 送俾鍾意嘅人；當女生收到之後，睇到呢個字樣，就可以答應嗰位男仔，從此令佢擁有一位可愛嘅女朋友！嗯，呢個故事真係好浪漫；但假如未有情人，都可以同自己講，呢隻 Duffy 將會「Be Mine」！唔知你與呢隻 Duffy 之間，又屬於邊個「Be Mine」故事呢？就讓呢隻 Duffy 為你帶來歡欣、幸運！
2013年1月5日
上年情人節，香港迪士尼樂園 推出咗第一款連同服飾發售嘅 小Duffy，就係好可愛嘅 愛神Duffy！黎到2013年嘅情人節，又有咩新搞作呢？尋日就收到1月份會員通訊，當中竟然有 Duffy 嘅蹤影！
今年，只要響 香港迪士尼樂園酒店 華特餐廳 與愛人共享情人節套餐，就會獲得 情人節Duffy 一隻。呢隻 情人節Duffy 嘅服飾同 迪士尼雪亮聖誕2012 嘅 米奇 聖誕服飾有啲相似，採用英倫風格；另外，佢嘅手上仲拎住一朵玫瑰花，好得意啊！假如將佢送俾自己鍾意嘅人，一定會好浪漫啦！
雖然本應係送俾愛人，不過我仲未有愛人喎... 但係見到咁可愛嘅 Duffy，我都好想據為己有啊！相信各位 Duffy 粉絲都同我一樣，響到諗緊，除咗去食情人節套餐之外仲有冇方法可以擁有佢呢？咁靚嘅 情人節Duffy，如果只得一個途徑可以獲得，就真係太可惜啦... 希望會同時響園內發售啦！
沒有留言:
張貼留言