在 香港迪士尼樂園 尋找 Oswald幸運兔子!

華特迪士尼先生 響1927年創作出 Oswald幸運兔子，之後卻不幸被搶去呢隻兔仔嘅版權...  去到2006年，事隔接近80年，迪士尼 方面決定主動購回 Oswald 嘅版權，Oswald 終於回家了！佢最終都可以成為一位真正嘅迪士尼朋友，並且響 Epic Mickey 遊戲入面擔當一位好重要嘅角色！

可惜 Oswald 暫時響世界各地嘅 迪士尼主題公園 都唔係咁常見，亦都唔係有太多相關產品出現...  現階段比較矚目嘅，就只有 東京迪士尼樂園 迪士尼復活節奇幻世界 巡遊入面嘅 Oswald 花車。雖然，Oswald幸運兔子 未有注目地於各個樂園登場，但其實佢已經靜靜雞滲入到不同樂園！

之前響網上見到，先前重新開幕嘅 迪士尼加洲冒險樂園，Oswald 已經響園內某個地點出現！嗯，唔知我今年夏天去嘅時候會唔會搵到佢呢？希望會搵到啦，我見到佢的話一定會非常興奮！

但係，其實 Oswald 亦有神秘地響 香港迪士尼樂園 出現！大家入園玩嘅時候見唔見到佢呢？前排同朋友入去玩 ( 就係嗰位令我鍾意 Oswald 嘅朋友，哈哈 )，我地響偶然間發現 Oswald！原來響 動畫藝術教室 入面，其中一張海報正正就係 Oswald 做主角！我之前都留意唔到添...

順便再睇真啲教室入面嘅佈置啦！裡面嘅掛畫都係以 米奇 為主，見到 Oswald 真係覺得好驚喜！

仲有一張 米奇魔術師 畫作，我尋晚咁啱都響 Disney Channel 睇到一段 米奇魔術師 嘅短片！XD

見完 Oswald 就離開教室，出到黎 動畫藝術廊 門口，再次見到 演藝人員 響地面畫咗一隻 米奇！

響 動畫藝術教室 走出黎，當然有收穫！就係自己畫嘅 高飛！今次係我第一次畫佢，都算係咁啦...

Oswald幸運兔子 響我心目中極速上位，響 2012我最喜愛迪士尼朋友排行榜 之中獲得第三名；呢一刻，我當然希望可以有更多機會見到 Oswald 啦！而家只係得幾張海報、畫作，邊到夠架！唔知未來會唔會有機會親身同 Oswald 見面、影相呢？又會唔會有更多 Oswald 相關產品推出呢？盼望 迪士尼公司 以後可以多加利用 Oswald，為呢隻由 華特迪士尼先生 創作嘅兔子重拾色彩！

最後，響呢到宣佈一個好消息！Tho's Dreams 由2011年11月至今已經累積超過十萬瀏覽次數！自己嘅Blog響短短一年幾累積到十萬瀏覽次數，好開心啊！都可以話係一個重要嘅里程碑！再次衷心感謝各位支持 Tho's Dreams！我會繼續努力，寫多啲有趣嘅文章，與大家分享奇妙！