又到月頭，又有新嘅 迪士尼朋友 月曆！我今次真係完全唔記得咗呢件事，好多謝網友提醒我！呢個三月有咩特別事發生呢？就係復活節啦！復活節來臨，周圍應該又會滿佈復活蛋、復活兔！所以，今個月嘅焦點 迪士尼朋友 特別揀咗一隻好可愛嘅兔仔：黎自《小鹿斑比》嘅 Thumper！
至於 香港迪士尼樂園 版本月曆，今個月就只係加咗 奇妙處處通 紅卡、銀卡會員嘅不適用日子；呢個月，紅卡、銀卡將會有一個特選週末，就係9號、10號，唔知各位會唔會考慮響入園玩呢？其實 迪士尼星級款待 活動應該會響三月開始，不過園方仲未公佈，暫時未能響月曆加上有關日子...
自從上年響 東京迪士尼樂園 體驗過充滿活力嘅復活節活動之後，我突然間變得好鍾意呢個節日！唔知 香港迪士尼樂園 幾時先會有復活節活動呢？點都好，響到預祝大家會有一個開心嘅復活節！
沒有留言:
張貼留言