可能上星期六只係玩得兩個幾鐘，唔係幾夠，所以星期二又無無聊聊走咗入樂園玩。入園前冇睇天氣報告，唔知嗰日會落雨，冇帶遮；最後就一路玩一路俾雨水淋濕哂，嗚嗚... 玩咗一日，晚上想同之前返工識嘅朋友食飯，但係佢比較晏先放工，於是就同另一位朋友等佢！
雖然落咗成日雨，但黎到晚上，響寂靜嘅 美國小鎮大街 散步，一個人都冇，感覺都幾特別！
大約煙花後一個鐘頭多少少，樂園都已經完成清場，關上正門大閘，我真係未試過留到咁夜...
迎樂路 繼續開放，不過都已經冇人行，但係噴水池就繼續噴出水花，米奇 依然響鯨魚上滑浪！
又一次響遊園時撞正下雨天，但都有特別體驗：事隔接近一年，再次欣賞到 米奇雨天滴答列車！
下雨天可以響園內有另一番滋味，不過都係寧願天氣好啲先入去玩，起碼唔洗全身濕哂，哈哈！
沒有留言:
張貼留言