樂園事物仔細尋 呢個系列又再同大家見面啦！今日，我地再次黎到 灰熊山極速礦車 嘅入口！不過，我地今次就唔係黎坐礦車嘅，而係黎呢到尋寶！究竟呢個位置有咩野等緊我地發掘呢？
好，而家等我放大啲先！招牌上面寫咗 灰熊山極速礦車 嘅名稱，上面亦有 灰熊山谷 嘅灰熊標誌。
咁遠係睇唔清楚嘅，再放大！秘密就係響呢隻灰熊嘅臉上！發唔發現到有一個位置係特別啲嘅呢？
繼續放大，再加入對比效果！而家應該好明顯啦！原來呢隻灰熊偷偷地收埋咗一隻秘密金牙啊！
幻想工程師 真係響整個樂園入面加入咗好多好有意思嘅小裝飾，周圍望下都可以係一種樂趣！記住，假如入樂園玩嘅時候，亦不忘細心留意一下周圍環境，話唔定，你都會發掘到秘密寶藏呢！
沒有留言:
張貼留言