最新報導指出，香港迪士尼樂園 全新主題園區 迷離莊園，將於2013年5月17日隆重開幕！等咗咁耐，終於都知道最後一個擴建園區嘅開幕日期！好快就可以入去一探究竟，好期待啊！
響官網發掘咗一陣，發現原來已經有一個隱藏咗嘅 迷離莊園 頁面，簡略地介紹呢個新園區。「迷離莊園電磁廂車」、「大冒險家餐廳」、「迷離珍藏店」... 出現咗更多設施嘅正式名稱呢！
仲有唔夠一個月，迷離莊園 就會開幕，Tho's Dreams 經已即時啟動倒數，換上全新介面！今次又再用紫色做主色，充滿迷離氣氛！唔知大家又發唔發現到背景圖片入面有咩隱藏字句呢？
今日係4月18日，距離開幕日仲有29日！我亦特別響旁邊加入倒數圖片，逐日迎接新園區來臨！順帶一提，奇妙處處通 會員預演日抽獎結果聽日就會公佈，記得去睇下啦！再次祝大家好運！
沒有留言:
張貼留言