又過咗一個月，又到另一個月嘅開始！黎到4月，今個月嘅焦點 迪士尼朋友 就係：蟋蟀占美尼！點解今個月會搵佢做主角呢？大家記唔記得，每年嘅4月22日，係咩日子呢？就係 地球日 啦！園方往往都會用 蟋蟀占美尼 黎代表環保，所以今個月就揀咗佢做焦點！
響月曆上面，我都已經標誌咗4月22日為 地球日；唔知今年，園方會舉辦啲咩活動呢？順帶一提，今年 地球日 係 華特迪士尼世界 動物王國 Animal Kingdom 嘅十五週年！恭喜哂！除咗 地球日 之外，4月12-14日仲有 徽章交換同樂日！大家記住到時帶埋自己嘅徽章入園參與啦！
繼續有普通版，冇加上樂園資料，大家可以選用自己喜歡嘅版本。
有冇網友係鍾意 蟋蟀占美尼 嘅呢？我對佢冇咩特別感覺，不過都好羨慕 皮諾丘 有呢位良心好友！
沒有留言:
張貼留言