![](https://blogger.googleusercontent.com/img/b/R29vZ2xl/AVvXsEi5dhF6K9zTPHcRR0BO8T8Llp9Vwc20xORMxYU_QDFtJRFLZhdLef6b0xV_L6Z00SEUFJrQ49mRLNK4mFyS5-KsG6iaaYdx2MXV01CUhP6itumTEEJyvEXuomBAhV-YtoVF2m3th6oI9bvX/s400/01.jpg)
現場有兩個遊戲俾各位徽章收藏家玩,仲有好多演藝員在場,響遊戲期間為大家打氣!兩個遊戲分別係拋金幣以及碌乒乓波,拋到、碌到去不同顏色位置,就可以獲得相對應嘅徽章!
以下就係我尋日嘅收穫,唔算好多,但已經好滿足!我亦幸運地獲得幾個新推出嘅 隱形米奇 徽章!怪獸公司月份系列,我得到二月份 Boo 徽章,但其實我想要九月多啲,遲啲又睇下有冇得交換先!
![](https://blogger.googleusercontent.com/img/b/R29vZ2xl/AVvXsEj1bEtWXyEr-g1BemRFC3B39x-UBBepRzjGvHv-8eMd9_Fk-IeA3OVineH4MV7q-_d464ccqXEavgTtynQxIHUDeml77nqoyIElWeO4fuqsaXlwNXszB5K-qoDpsgAQkm8zdKCtBB1QOmdD/s400/04.jpg)
至於 米奇家族星期系列,我玩遊戲嗰陣得到星期四 Dale 徽章,之後我都換到 Chip 返黎儲齊一對!
玩遊戲都有其他不同嘅收穫,不過唔係咁啱心水,於是就去到園內各處,搵不同嘅演藝人員交換;呢一日換到兩個幾得意嘅徽章,一個係 Vinylmation Pooh 徽章,另一個就係可愛版 Dumbo 徽章!
最後呢個徽章來自一位朋友嘅,佢知道我想要 Pooh 名牌徽章,專登搵咗返黎同我交換!好多謝佢!
![](https://blogger.googleusercontent.com/img/b/R29vZ2xl/AVvXsEjLbQpp1RBy4gwi0IDdzeH1JLoYQT1LEZ0jef-Y9TDs4JkyV0wURbB9cJytbY3s9YNjLEUXrAYLpWpHx3vtv_dDXwfeHLGRwKtunE6pV8AgBXm88l-jwLinqlIP1HlPpbVrqcWuyLfdZh4r/s400/09.jpg)
相比起隨機咁抽,我比較鍾意親自揀一啲自己喜歡嘅徽章,所以我每個遊戲都只係玩咗一次啫... 響現場冇逗留得太耐,但已經完全感受到嗰種熱鬧氣氛;所有徽章收藏家聚埋一齊,玩得好開心!好!黎緊呢年等我慢慢儲多啲徽章先!咁下年嘅 徽章交換同樂日 就可以玩得更加投入啦!
沒有留言:
張貼留言