又黎到一個月嘅開始，又有新嘅焦點 迪士尼朋友 月曆登場啦！究竟六月係邊個做焦點呢？今次呢位 迪士尼朋友 係大家都好熟悉嘅，響園內可以成日見到佢；就係 Donald Duck 唐老鴨！
仲記得之前有網友同我講到六月係 唐老鴨 嘅生日，於是我就上網睇下；原來佢係響6月9日生日！1934年6月9日，迪士尼 推出動畫 The Wise Little Hen，唐老鴨 首次出場！今年係佢嘅79歲生日！
除咗普通版之外，月曆繼續有 香港迪士尼樂園 版本，顯示 奇妙處處通 會員嘅不適用日子。先前有跡象顯示今年會有夏日活動，但係唔知幾時開始呢？暫時都未能響月曆註明開始嘅日子。
除咗去睇巨鴨之外，大家都唔好忽略咗呢位「元老級」迪士尼朋友 啊！響到預祝 唐老鴨 生日快樂！咦，下年係佢嘅80歲生日喎！迪士尼 方面會唔會有特別慶祝活動呢？
沒有留言:
張貼留言