響呢個晚上，不同嘅 迪士尼 博客都相繼響自己網誌上提及有關被抄襲以及被跟風嘅事宜；而尋晚與好友Blogger討論嘅時候，竟然發現 Tho's Dreams 嘅內容都有同樣嘅遭遇！
當中，有部份網誌圖片、原創圖片遭到盜用，最嚴重嘅更加被刪去原有標記，將作品據為己有。另一方面，亦有個別文章響發表之後，過咗一陣就響其他專頁、網誌出現近似內容...
我寫Blog一向都堅持一個宗旨：原創！自己嘅Blog當然係由自己嘅文字、相片去表達！除咗部份內容涉及參考資料之外，每一篇文章、每一張相，我都堅持由自己去諗、自己去影！
雖然 Tho's Dreams 未必算係非常受歡迎、非常多人睇，但係我都好努力去搞好自己嘅Blog；希望大家可以尊重作者所花嘅心機，所有著作都係得黎不易，背後見證咗好多時間同埋精神！
響到再一次感謝各位讀者嘅支持同埋鼓勵！你地係驅使我堅守呢個原則嘅原動力，多謝你地！
沒有留言:
張貼留言