再次走進迪士尼世界, Disney Infinity 即將登場!

一起身就睇到一項令我好興奮嘅資料！就係 迪士尼 將於今年夏季推出全新遊戲，Disney Infinity！上年7月嘅時候我都有介紹過一個可以俾玩家響 迪士尼世界 進行探險嘅遊戲，Disney Universe；而今次嘅 Disney Infinity 迪士尼無限世界，感覺上都幾相似，我覺得可以話係一個升級加強版！先睇睇官方圖片，相比起前作，遊戲標誌設計得好有時尚感，圖中亦特別展出咗多位 迪士尼朋友！





既然第一張官方圖片就已經有咁多 迪士尼朋友，咁我就率先講下遊戲入面嘅 迪士尼朋友 啦！前作都有包含 迪士尼朋友 嘅元素，不過各個 迪士尼朋友 就化身成造型服飾俾遊戲角色著上身；但係 Disney Infinity 就好完美咁呈現 迪士尼朋友 嘅面貌，玩家可以直接使用 迪士尼朋友 遊玩。

迪士尼朋友 固然係遊戲嘅一大賣點，不過 Disney Infinity 嘅遊戲世界都好值得留意架！因為各個場景都係以不同嘅 迪士尼 電影做藍本，甚至連今年暑假先上映嘅 怪獸大學 都有份！

前作 Disney Universe 曾經出現過嘅 加勒比海盜 世界，今次亦都響 Disney Infinity 重現！

暫時公佈咗三個場景，第三個係 超人特工隊，但係我相信之後會慢慢推出更多故事場景！睇完啲場景圖片，我就覺得今次嘅畫面設計好有立體感，而全新嘅遊戲任務亦都更加多元化！

Disney Infinity 遊戲更加將現實世界以及虛擬世界連接起來！同時亦大大增加玩家嘅自由度！以下係一啲 迪士尼朋友 模型供玩家收藏，只要將模型放上 Infinity啟動器，神奇嘅事將會發生！





Disney Infinity 將會依照返 Infinity啟動器 上嘅兩位 迪士尼朋友，啟動相關嘅遊戲世界；換言之，玩家可以根據自己嘅喜好，配搭各個 迪士尼朋友，替自己創造獨一無二嘅遊戲世界！

最後，以下係一段遊戲預告片，畫面真係好靚！咦，我仲見到有 怪誕城之夜、反斗車王 背景！

     

雖然現階段就冇咩詳細資料，但睇完簡介，加上有玩過 Disney Uuniverse，我而家已經好想玩！如果你都有興趣的話，可以去睇睇官方網站或Facebook專頁！希望佢地會快啲公佈更多資料啦！