與 巨大Duffy 穿上同樣的春日巡航T恤!

尋日嗰篇文章就講到我去咗搵 Duffy迪士尼小熊，仲響碼頭見到隱藏住特別意思嘅旗幟添！今日就想同大家分享一樣 Duffy迪士尼小熊 嘅商品，而呢樣商品亦都同樣印有隱藏住特別意思嘅旗幟架！

今日同大家分享嘅商品就係：Duffy迪士尼小熊 春日巡航T恤！

記性好嘅讀者可能會有疑問，明明我響上年去 東京迪士尼海洋 嗰陣已經買咗一件差唔多樣嘅T恤，點解又要買多件？答案就係：上面買嗰件係童裝T恤，係俾 巨大Duffy 著嘅，至於今年呢件就係成人T恤，係俾我著嘅！

兩件T恤都有 東京迪士尼渡假區 招牌，其中一件係「140」標籤，另一件就係中碼標籤。

同上年一樣，購買T恤會附有一個春日巡航紙牌，係樹葉形狀嘅，上面印有活動標誌。

呢件T恤吸引我嘅地方，當然就係有好大個 Duffy 頭型！仔細睇的話會留意到今年嘅顏色有少少唔同。

T恤嘅旁邊，亦釘有一個淺綠色嘅 Duffy迪士尼小熊 春日巡航招牌，並印有 東京迪士尼海洋 字樣。

上年嗰件T恤嘅背後印有尋日提及過嘅 國際信號旗，用返同樣嘅解碼方法，就可以發現，呢串旗幟嘅內在含義其實就係「BON VOYAGE」旅途愉快嘅意思。

但係，唔知點解，今年呢件T恤就無咗呢串有趣嘅旗幟，只係剩返活動標誌。

好啦，等我試下著起呢件T恤，之後再幫 巨大Duffy 著起同一件T恤啦！睇吓我地兩個幾襯，哈哈！

呢款T恤，佢地響上年冇出到成人裝，只係出咗童裝，所以我只係買咗俾 巨大Duffy；黎到今年，又突然地推出咗成人裝喎！於是，呢件T恤就成為咗屬於我自己嘅第一件 Duffy迪士尼小熊 T恤！

話時話，唔知香港呢邊又幾時先至會推出第一件 Duffy迪士尼小熊 T恤呢？前排咪出咗一系列 迪士尼朋友 搓臉圖案T恤嘅，其實都幾可愛！我記得 Duffy 同有一個差唔多嘅搓臉圖案...  假如可以推出T恤的話，Duffy 有咁多Fans，相信都會有唔錯嘅銷量！