2013十一月份焦點迪士尼朋友 - Mickey Mouse

對唔住啊，我尋日真係完全唔記得咗要整 迪士尼朋友 月曆呢件事，所以最後要今日先出到呢篇文章...  唔知點解時間真係過得好快，已經黎到全年最後嘅兩個月...  咁十一月又會有咩大事發生呢？

相信各位 迪士尼 Fans都會知道，每年嘅11月18日就係 米奇老鼠 生日嘅大日子！米奇 響1928年嘅動畫短片《Steamboat Willie》首次面世，今年係佢嘅85歲生日！為咗慶祝佢嘅生日，所以今個月嘅焦點 迪士尼朋友 月曆都特別揀咗佢做主角！《Steamboat Willie》係一齣黑白動畫黎嘅，今次月曆嘅圖片係取至動畫入面其中一個非常廣為人知嘅畫面：米奇 揸住船舵駕駛蒸汽船！為配合黑白畫面，月曆都以灰色為主色，充滿樸素感！

除咗 米奇 嘅生日，亦唔好唔記得，11月將會開始舉行 迪士尼雪亮聖誕 活動！今年嘅 迪士尼雪亮聖誕2013 會響11月14日開始，我已經標記咗響樂園版本月曆入面，大家記得入園感受聖誕氣氛啦！