Tho's Dreams 約定你過一個幻麗的雪亮聖誕!

歡樂嘅節日愈黎愈近，你準備好過聖誕節未呢？Tho's Dreams 亦都係時候要換上全新主題背景，同大家一齊過一個幻麗嘅雪亮聖誕！今次設計全新主題，我首選嘅相片係位於樂園中央廣場嘅 米奇、米妮、唐老鴨、黛絲 雕像！

雕像座落響 睡公主城堡 前面，去到夜晚配合埋璀璨嘅燈光，俾人一種幻麗嘅感覺，用黎做聖誕節主題背景就最適合不過啦！但係我覺得有一個美中不足，假如中間嗰棵水晶聖誕樹係會發光的話，相信整體效果必然會更上一層樓！

我最後揀咗呢張相做今次嘅標題圖片！米奇、米妮 雕像嘅背後係閃閃生輝嘅 睡公主城堡，好靚！

今年 迪士尼雪亮聖誕2013 用咗紫色做主色，所以我都用咗紫色做背景，再加入一啲 米奇雪花。

順帶一提，我亦都更新咗網誌專欄，新增 迪士尼雪亮聖誕2013、東京迪士尼之旅2013 專題圖片。

話咁快就黎到一年嘅終結，如無意外，Tho's Dreams 響十二月應該都會有唔少有趣嘅文章！當中唔少得嘅，就梗係要回望2013一整年啦！希望我唔會再走數啦，哈哈！