2014一月份焦點迪士尼朋友 - Elsa & Anna

拖下拖下，最後又拖到1月過咗一半先至推出焦點 迪士尼朋友 月曆...  雖然遲咗好多先出，不過點都好啦，黎到新一年，焦點 迪士尼朋友 月曆又有全新嘅介面啦！今次改版可以話係變得面目全非，唔知呢個新面目能唔能夠為你帶黎新鮮感呢？

同樣地，除咗一般版本月曆，依然會有 香港迪士尼樂園 版本月曆！今次改版之後，我冇再標示特別嘅樂園活動日子，只係顯示 奇妙處處通 會員不適用日子；主要原因係園方往往都好遲先至公佈各個活動日期，另一方面我亦覺得標示響月曆上面嘅作用不大...

講返今次嘅兩位焦點 迪士尼朋友 先！Elsa、Anna，相信大家近期一定會聽過佢地嘅名，因為佢地就係電影《魔雪奇緣 Frozen》嘅兩位女主角！我睇完套戲之後就開始鍾意咗 Elsa，佢可以操縱冰雪，真係好有型啊！大家睇咗呢套電影未呢？你鐘意女王 Elsa 抑或公主 Anna 多啲呢？