來自日本的情人節商品, 品嘗甜美味道!

上次就介紹過 香港迪士尼樂園 嘅情人節主題商品，今日我將會帶大家跳到去日本，分享一下來自 東京迪士尼海洋 以及 日本迪士尼商店 嘅情人節商品，睇睇嗰邊又係點樣慶祝呢個愛的季節啦！

 

講到 東京迪士尼海洋，或者有部分讀者會即時諗起 Duffy迪士尼小熊；其實響每年嘅情人節，園方都會特別為 Duffy 設計一套名為「Sweet Duffy」甜蜜Duffy 嘅新服飾，通常都係以廚師做主題。

呢隻 迷你Duffy鎖匙扣，我叫佢做 愛心廚神Duffy；當然，購買呢個鎖匙扣亦有附上 Duffy迪士尼小熊 故事冊；另外亦附有一個「Sweet Duffy」招牌。

Duffy 戴上廚師帽、著上圍裙，睇黎佢已經準備好烹調出最美味嘅食物！

園方設計咗全新服裝，又點少得俾 大Duffy毛公仔 替換嘅造型服飾呢？

因為套衫放大咗，可以更清楚睇到各項細緻嘅地方；呢件上衣原來有好多心型花紋！

上衣釘有 Duffy迪士尼小熊 招牌，並且註明係 東京迪士尼海洋 出品。

長褲就係以淺啡色做主色，而最底嘅花邊係襯返件上衣架！

背面繡有 Duffy 標誌性嘅 米奇頭型圖案，同埋 Duffy 頭像招牌。

純白色嘅圍裙，帶有紅白格仔花邊；角落亦都繡上咗一個心型圖案，配合主題。

背面同樣有 米奇頭型圖案 以及 Duffy 頭像招牌，仲有一粒小紐扣呢！

最後就係帽子！廚師帽就梗係白色架啦，不過底部都有心型圖案花邊！

順帶一提，今次呢套服飾嘅 Duffy 頭像招牌，背面係一個咖啡杯圖案黎嘅。

係時候幫 大Duffy 換衫啦！首先穿著上衣、長褲，其實淨係著呢兩樣嘅效果都唔錯喎！

著埋圍裙、廚師帽，大家覺得佢有冇廚師嘅風範呢？

唔知佢會煮出點樣嘅美食呢？相信必定會非常甜美！

換好衫，就等兩隻 Duffy小熊 合照一下啦！

接著落黎就到 日本迪士尼商店 嘅商品，佢地有一個獨家品牌，叫做「Unibearsity」小熊大學，稍後會再詳細介紹呢個品牌。黎到情人節，「Unibearsity」呢個系列都有推出相應產品！

其實嗰兩隻熊仔係同情人節冇關嘅，佢地純粹係做模特兒影下相，遲啲先至再同大家介紹佢地兩個啦！真正同情人節有關嘅係呢盒朱古力！你睇到嗎？盒嘅外型係熊仔形狀黎架！

盒上亦都印有好多小熊圖案，仲有 米奇老鼠、米妮老鼠 呢！

打開盒，有好多精緻嘅朱古力！有不同顏色形狀，米奇頭型、心型、小熊形狀，全部都好靚！

好啦，商品就分享完畢啦，之後會有最後一篇同情人節有關嘅專題！